पंढरपूरमध्ये लोकमंगल बँकेच्या वतीने उल्लेखनीय काम करणार्‍या महिलांचा सन्मान

पंढरपूर – महिला दिनाचे औचित्य साधून येथील लोकमंगल बँकेच्या शाखेत शहरातील विविध क्षेत्रात उत्कृष्ठ काम करणार्‍या महिलांचा सन्मान करण्यात आला. दरवर्षी ही संस्था हा उपक्रम राबविते.
शाखा व्यवस्थापक शिवाजीराव दरेकर यांनी या कार्यक्रमाचे प्रास्ताविक केले. प्रारंभी राजमाता जिजाऊ व क्रांतीज्योती सावित्रीबाई फुले यांच्या प्रतिमांचे पूजन करण्यात आले. यात त्यांनी संस्था राबवित असलेल्या विविध उपक्रमांची माहिती दिली तसेच संस्थेच्या आर्थिक प्रगतीचा आढावा घेतला. लोकमंगल बँक प्रतिवर्षी महिला दिनाला कर्तृत्ववान महिलांचा सन्मान करत असल्याचे त्यांनी सांगितले.
या कार्यक्रमाच्या अध्यक्षस्थानी डॉ. उषा श्रीकांत अवधूतराव होत्या. त्यांनी यावेळी मार्गदर्शन केले.याप्रसंगी विविध क्षेत्रात उल्लेखनीय काम करणार्‍या डॉ. संगिता शीतल पाटील, धनश्री आराध्ये, नूतन चौगुले, ज्योती साठे यांचा सन्मानचिन्ह देवून गौरव करण्यात आला. यावेळी बँकेचे सर्व अधिकारी व कर्मचारी उपस्थित होते.
WhatsApp Chat
Send via WhatsApp
error: Don\'t try to copy. Content is protected !!