शनिवारी सोलापूर जिल्हा ग्रामीणमध्ये 125 रुग्ण वाढले, 192 झाले कोरोनामुक्त

सोलापूर– सोलापूर जिल्ह्याच्या ग्रामीण भागात (महापालिकाक्षेत्र वगळून) शनिवार 24 ऑक्टोंबर रोजी एकूण 125 कोरोना रुग्ण वाढले आहेत. सर्वाधिक कोरोनाबाधित बार्शी तालुक्यात 35 आढळले आहेत. दरम्यान ग्रामीण भागात आज 192 जणांनी कोरोनावर मात केली आहे. शनिवारी अहवालानुसार जिल्हा ग्रामीणमध्ये 9 जणांनी कोरोनामुळे प्राण गमावले आहेत. कोरोनाबाधित रूग्णांची आता संख्या कमी होताना दिसून या आजाराव़र मात करून घरी परतणार्‍यांची संख्याच वाढली आहे. जिल्हा ग्रामीण भागात कोरोनाबाधितांची एकूण संख्या 29744 इतकी झाली असून यापैकी 25825 जण कोरोनावर मात करून घरी गेले आहेत तर 3041 जणांवर उपचार सुरू आहेत. आज 192 जणांना घरी पाठविण्यात आले आहे. आजवर 878 जणांनी या आजारात प्राण गमावले आहेत.आजच्या अहवालानुसार 9 जण मयत आहेत.

पंढरपूर तालुक्यात 24 रूग्ण वाढले

पंढरपूर- शनिवारी 24 ऑक्टोंबर रोजी आलेल्या जिल्हा आरोग्य अधिकारी यांच्या अहवालानुसार पंढरपूर शहर 13 व तालुक्यात ग्रामीणमध्ये 11 असे 24 कोरोनाबाधित रूग्ण वाढले आहेत.पंढरपूर शहर व तालुक्यात एकूण कोरोनाबाधितांची संख्या 5 हजार 856 झाली आहे. आजच्या अहवालानुसार 4 जण कोरोनामुळे मरण पावले आहेत. आजवर कोरोनामुळे प्राण गमावलेल्यांची एकूण संख्या 162 झाली आहे.एकूण 416 रूग्णांवर उपचार सुरू असून,आजवर 5278 जण कोरोना आजारातून बरे झाले आहेत .

WhatsApp Chat
Send via WhatsApp
error: Don\'t try to copy. Content is protected !!