रविवारी सोलापूर जिल्हा ग्रामीणमध्ये 120 रुग्ण वाढले, 252 जण झाले कोरोनामुक्त

सोलापूर– सोलापूर जिल्ह्याच्या ग्रामीण भागात (महापालिकाक्षेत्र वगळून) रविवारी 18 ऑक्टोंबर रोजी एकूण 120 कोरोना रुग्ण वाढले आहेत. सर्वाधिक कोरोनाबाधित माळशिरस तालुक्यात 41 आढळले आहेत. दरम्यान ग्रामीण भागात आज 252 जणांनी कोरोनावर मात केली आहे. शनिवारी जिल्हा ग्रामीणमध्ये 10 जणांनी कोरोनामुळे प्राण गमावले आहेत. कोरोनाबाधित रूग्णांची आता संख्या कमी होताना दिसून या आजाराव़र मात करून घरी परतणार्‍यांची संख्याच वाढली आहे. जिल्हा ग्रामीण भागात कोरोनाबाधितांची एकूण संख्या 28923 इतकी झाली असून यापैकी 24421 जण कोरोनावर मात करून घरी गेले आहेत तर 3679 जणांवर उपचार सुरू आहेत. आज 251 जणांना घरी पाठविण्यात आले आहे. आजवर 823 जणांनी या आजारात प्राण गमावले आहेत.आजच्या अहवालानुसार 10 जण मयत आहेत.

पंढरपूर तालुक्यात 18 रूग्ण वाढले

पंढरपूर- रविवार 18 ऑक्टोंबर रोजी आलेल्या जिल्हा आरोग्य अधिकारी यांच्या अहवालानुसार पंढरपूर शहर 3 व तालुक्यात ग्रामीणमध्ये 15 असे 18 कोरोनाबाधित रूग्ण वाढले आहेत.पंढरपूर शहर व तालुक्यात एकूण कोरोनाबाधितांची संख्या 5 हजार 716 झाली आहे. आजच्या अहवालानुसार 4 जण कोरोनामुळे मरण पावले आहेत. आजवर कोरोनामुळे प्राण गमावलेल्यांची एकूण संख्या 144 झाली आहे.एकूण 542 रूग्णांवर उपचार सुरू असून,आजवर 5030 जण कोरोना आजारातून बरे झाले आहेत .