बुधवारी पंढरपूर तालुक्यात 34 कोरोनाबाधितांची भर, एकूण संख्या 7659

पंढरपूर – कोरोनाबाधितांचा आकडा पंढरपूर तालुक्यात परत वाढताना दिसत असून बुधवार 16 डिसेंबर रोजी आलेल्या जिल्हा आरोग्य अधिकार्‍यांच्या अहवालानुसार शहरात 2 तर तालुक्यात 32 रूग्णांची यात भर पडली आहे. एकूण रूग्णसंख्या 7659 इतकी झाली आहे. दरम्यान तालुक्यात आजवर 228 जणांनी कोरोनामुळे जीव गमावला आहे.
16 डिसेंबरच्या अहवालानुसार सोलापूर जिल्हा ग्रामीणमध्ये 128 रूग्ण आढळून आले असून सर्वाधिक 34 कोरोनाबाधित पंढरपूर तालुक्यात आढळून आले आहेत. यापाठोपाठ माळशिरस तालुक्यात 23 तर बार्शीत 18 जणांची नोंद आहे. दरम्यान जिल्हा ग्रामीणमध्ये आजपर्यंत 37199 कोरोना रूग्ण आढळून आले आहेत. तर 1094 जणांनी या आजारात आपले प्राण गमावले आहेत. या आजारातून 35085 जण उपचारानंतर बरे झाले आहेत तर सध्या 1020 जणांवर उपचार सुरू आहेत.
जिल्हा ग्रामीणमध्ये पंढरपूर तालुक्यात सर्वाधिक रूग्ण आढळून आहेत. येथे आजवर कोरोनामुळे 228 जण मृत्यूमुखी पडले आहेत. सध्या 191 जणांवर उपचार सुरू आहेत तर कोरोनातून 7240 जण बरे होवून घरी गेले आहेत. पंढरपूर शहरात 3227 कोरोना रूग्ण आजवर नोंदले गेले आहेत तर 96 जणांनी या आजारात प्राण गमावले आहेत तर तालुक्याच्या ग्रामीण भागात 4432 रूग्ण आजवर आढळून आले असून 132 जण मृत्यूमुखी पडले आहेत.

One thought on “बुधवारी पंढरपूर तालुक्यात 34 कोरोनाबाधितांची भर, एकूण संख्या 7659

  • March 23, 2023 at 5:17 am
    Permalink

    Do you mind if I quote a couple of your articles as long asI provide credit and sources back to your website?My blog site is in the very same niche as yours and my users would certainly benefit from some of the information you present here.Please let me know if this okay with you. Thanks!

Leave a Reply

Your email address will not be published. Required fields are marked *

WhatsApp Chat
Send via WhatsApp
error: Don\'t try to copy. Content is protected !!