रविवारी सोलापूर जिल्हा ग्रामीणमध्ये 251 रुग्ण वाढले, एकूण संख्या 26300

सोलापूर– सोलापूर जिल्ह्याच्या ग्रामीण भागात (महापालिकाक्षेत्र वगळून) रविवार 4 आँक्टोबर रोजी एकूण 251 कोरोना रुग्ण वाढले आहेत. सर्वाधिक कोरोनाबाधित पंढरपूर तालुक्यात 64 आढळले आहेत. दरम्यान ग्रामीण भागात आज 222 जणांनी कोरोनावर मात केली आहे. रविवारी जिल्हा ग्रामीणमध्ये 8 जणांनी कोरोनामुळे प्राण गमावले आहेत.कोरोनाचा प्रसार वेगाने होत असला तरी या आजारावर मात करून घरी परतणार्‍यांची संख्या ही दिवसेंदिवस वाढत आहे. दरम्यान ग्रामीण भागात कोरोनाबाधितांची एकूण संख्या 26300 इतकी झाली असून यापैकी 20371 जण कोरोनावर मात करून घरी गेले आहेत तर 5214 जणांवर उपचार सुरू आहेत. आज 222 जणांना घरी पाठविण्यात आले आहे. आजवर 715 जणांनी या आजारात प्राण गमावले आहेत.आजच्या अहवालानुसार 8 जण मयत आहेत.

पंढरपूर तालुक्यात 64 रूग्ण वाढले

पंढरपूर -रविवार 4 आँक्टोबर रोजी आलेल्या जिल्हा आरोग्य अधिकारी यांच्या अहवालानुसार पंढरपूर शहर 23 व तालुक्यात ग्रामीणमध्ये 41 असे 64 कोरोनाबाधित रूग्ण वाढले आहेत.पंढरपूर शहर व तालुक्यात एकूण कोरोनाबाधितांची संख्या 5 हजार 101 झाली आहे. आजच्या अहवालानुसार 2 जण मयत आहेत. आजवर कोरोनामुळे प्राण गमावलेल्यांची एकूण संख्या 127 झाली आहे.एकूण 698 रूग्णांवर उपचार सुरू असून,आजवर 4276 जण कोरोना आजारातून बरे झाले आहेत .

Leave a Reply

Your email address will not be published.

WhatsApp Chat
Send via WhatsApp
error: Don\'t try to copy. Content is protected !!